मंगळवेढा संभाजी नागणे
सध्या सरकारी अधिकारी व कर्मचाऱ्यांबद्दल सर्वसामान्य नागरीकांमधून बरे बोलले जात नाही. अनेक वेळा अधिकारी व कर्मचाऱ्यांकडून शेतकऱ्यांची अडवणूक होत असते व कामे वेळेवर होत नाहीत परंतु मंगळवेढा येथे नव्याने दाखल झालेले तहसीलदार मदन जाधव यांनी या गोष्टीला फाटा देत शेतकऱ्यांप्रती आपली असलेली सामाजिक बांधिलकी आपल्या कामातून दाखवून देत सामाजिक संवेदना व कामाप्रती असलेली कर्तव्यनिष्ठा जोपासत असल्याचे दिसून येत आहे.त्यामुळे शेतकरी वर्गातून समाधान व्यक्त होत आहे.
तर दुसऱ्या घटनेत बावची येथील शेतकरी मल्लाप्पा सिद्राम माळी, व मंगळवेढा येथील संतोष बाळासाहेब वगरे यांची जनावरे वीज पडून मृत्युमुखी पडले होते त्यांना ३७ हजार ५०० रुपयांचा शासकीय मदतीचा धनादेश तहसीलदार मदन जाधव यांनी त्यांच्या घरी जाऊन शेतकरी कुटुंबियांच्या हाती सुपूर्त केला. खुद्द तहसीलदार आपल्या दारात आलेचे पाहून शेतकऱ्याचे डोळे पाणावले सध्या महसूल सप्ताह सुरू असून या अंतर्गत एक हात मदतीचा उपक्रम राबविला जात आहे या अंतर्गत आपदग्रस्त शेतकऱ्यांना आर्थिक मदतीचे धनादेश वाटप करण्यात येत आहेत. या प्रसंगी निवासी नायब तहसिलदार सी.के.हेडगिरे, महसूल नायब तहसिलदार एस.एस.साळुंखे, हाडगे, निवडणूक नायब तहसिलदार, महसूल सहाय्यक एस.आर.कोळी, साईनाथ आंदेलवार, महसूल सहाय्यक नितीन माळी आदी उपस्थित होते. यावेळी गावचे तलाठी, मंडल अधिकारी, ग्रामस्थ या वेळी उपस्थित होते.